samedi 5 février 2011

Rebénér

« Luz otreozhe, kã lé fène avyã zü dé gamĕ, y alovã se fore rebénér dabo k i povyã surti. Lé vilye dzivã : dépasa po l avãtè de ta mèzõ devã ke te fore rebénér. Latye k y alove priènyive n otra fena awé lyè, le mètive sõ wéle. Le s arétove dabor zo la tœr yowe le küré vnive la bèni, pwé le s avãsive vè la tobla de la kmunyõ ; le küré dzive dé prèyire. Ô yozhe, y ã a yõ ke se trãpa ; é dze l orézõ k i dzivã pè béni lu rufor. Pwé õ balyive si su bĕ wi su, pwé õ kmãdove na mésa. Na felye ke s ètè mãkoye, y alove po to solè awé le küré kã le tornove vè l édlize. Y n ã yina k atãdive só la tœr, le Küré arva, é prie la kurda de la tlosh pwé é ly a fote o ku. Letlyityé, pãdi õ n ã, se tenivã só la tœr le tã de la mèsa ; y è pi apré k i reportovã lœ sala a lœ plas. »

(Le patois de Saxel - J Dupraz)

Aucun commentaire:

Enregistrer un commentaire