Elle vist tout clerement le prince d’enfer, l’enemi du monde, le dyable desevrain quy plus grant estoit que nulles des bestes que par avant avoient veues ; et ne sçavoit chose nulle tant grande que pour comparer a icelle beste en grandeur. Elle estoit plus noire que charbon et plus ardant que mille feuz embrasez, et avoir fourme d’homme depuis les pliés jusques a la teste, mais elle avoit plusieurs mains et pliés, car elle avoit dix mille mains. Chascune d’icelles mains avoit bien cent aulnes de long et dix de grosseur, et si avoit chascune main vingt dois, et chacun doit avoir cent paulmes de long et dix de grosseur, et avoir les ongles plus longs que ne sont lances à chevallier, qui estoient de fin achier plus agus que oncques ne furent aguilles ne alesnes. Et avoit autant de dois et de ongles es piés que c’estoit sans nombre. Oultre plus, il avoit plusieurs becqs longs et agus et une queue moult longue et aspre, playne d’aguillons et toute appareilliee de grever et mal faire aux povres ames. Et se gesoit cel horrible dyable son doz contre ung grant grayl de fer a merveilles tout ardant, et au dessoubz avoit des charbons tous embrasez en grant plenté, et a l’entour du grant grayl, dyables moult horribles sans nombre quy le feu souffloient. Entour ce pervers ennemy avoir si grande multitude de ames dempnees et des dyables entremeslez que a peynes pourroit nulz croire qu’en tout le monde euist oncques tant de creatures humaines vivans, n’en tout infer tant de dyables.
Et la estoit ce tant horrible et cruel ennemy loyé au grayl de chaynnnes de fer grosses et embrasees par tous ses membres. Et quant on le tourne sur l’un costé vers les charbons et qu’il art de toute pars par grant yre et maltalent, il tous ses ongles et graulz sur ces chaitifves ames ; et quant iceulz ongles et graulz en sont plains, si les estraint moult fort comme le pressoir quy le vin presse et tire hors de sa cote ; et la les tient de tel forche que nulle n’en pœult eschaper sans tres dolloureuz tourment et qu’on ne s’y perde ou teste, bras ou jambe ; et en aprés il souffle de son alaine comme il souspirast et jette icelles malheureuses et habandonnees ames en plusieurs lieux parmy les tourmens d’enfer. Et tantost après sont bouillies dedens l’orrible puch d’enfer quy jette a touz lez flamme trespuant quy va et monte jusques vers le chiel. Et depuis celle tant cruelle beste retraist a elle son alaine, et ensement toutes les ames qu’elle avoit déjeté par Infer reviennent en sa gueule avecques grant fumeiere trespuant par le souffre et les autres douloureuses ames que Lucifer ne povoir tenir a ses mains frappoit il de sa ditte queue. Et ainsi par telz tourmens Lucifer, le grant prinche de tenebres, ennemi du genre humain, tourmente continuellement les mallheureuz dempnez.
(Vision de Tondale - Version française : David Aubert 1475)
Et la estoit ce tant horrible et cruel ennemy loyé au grayl de chaynnnes de fer grosses et embrasees par tous ses membres. Et quant on le tourne sur l’un costé vers les charbons et qu’il art de toute pars par grant yre et maltalent, il tous ses ongles et graulz sur ces chaitifves ames ; et quant iceulz ongles et graulz en sont plains, si les estraint moult fort comme le pressoir quy le vin presse et tire hors de sa cote ; et la les tient de tel forche que nulle n’en pœult eschaper sans tres dolloureuz tourment et qu’on ne s’y perde ou teste, bras ou jambe ; et en aprés il souffle de son alaine comme il souspirast et jette icelles malheureuses et habandonnees ames en plusieurs lieux parmy les tourmens d’enfer. Et tantost après sont bouillies dedens l’orrible puch d’enfer quy jette a touz lez flamme trespuant quy va et monte jusques vers le chiel. Et depuis celle tant cruelle beste retraist a elle son alaine, et ensement toutes les ames qu’elle avoit déjeté par Infer reviennent en sa gueule avecques grant fumeiere trespuant par le souffre et les autres douloureuses ames que Lucifer ne povoir tenir a ses mains frappoit il de sa ditte queue. Et ainsi par telz tourmens Lucifer, le grant prinche de tenebres, ennemi du genre humain, tourmente continuellement les mallheureuz dempnez.
(Vision de Tondale - Version française : David Aubert 1475)
Aucun commentaire:
Enregistrer un commentaire